في بداية الأمر أحب اعزي الكويت بالحاله اللي وصلوها لها بعض ابناءها بسذاجتهم و سطحيتهم
و بهالمناسبه بقول كلمه حق و اللي بيزعل خل يزعل ماهو البلد كله زعلاااان
خلونا نبدي بقوه
(بسم الله الرحمن الرحيم )
للاسف ان سياسة وطنية البعض بالكويت أصبحت سياسة الفووم و التشخييط
(تنويه الفوم اللي اقصده مو نفسه الفوم اللي يستخدمه اخوي فريج سعود و اللي اهو على راسي : الفوم اللي اتكلم عنه اهو فوم ميد ان china مادري tiwan
مطبوع عليه صوره علم الكويت و مكتوب
(اي لوف كويت
المهم خلونا من الفوم و خل نشوف بلاوي القوم
خل نكون حياديين و نشوف السالفه بهالطريقة
بعض الشعب اللي مو عاجب البعض الثاني
من ينكر انهم كانو مع الكويت بكل أزمه ؟؟
وانهم كانو دايما مع ديرتهم قلبا و قالبا ؟
يعني بس عشان اختلفوا معانا براي او وجهه نظر وحده نجردهم من حقوقهم المدنية و نتهمهم بعدم الوطنية و الولاء لغير الكويت الحبيبه ؟؟
انا اعتب بشده على بعض الناس -مادري اذا دخلوا مدارس او لا بس خلونا نحسن الظن فيهم-
اللي ما همهم الا توجيه اتهامات بعدم الولاء لابناء الوطن بمجرد ان قال كلمه يمكن يشوفها بادراكه الخاص انها حق و ملزوم فيها امام الله سبحانه
اعتب عليهم مره ثانيه انهم خلو من ديرتنا الحبيبه الكويت عراق ثانيه
الشاطر اللي يقولي شنو وجه الشبه بين (الكويت اليوم في ظل هذه الاحداث) و (العراق) ؟؟
ما عرفتو الجواب ؟
انا اقولكم
الله يسلمكم و يخليكم في العراق ايام العهد الصدامي الموبوء كان محسوب على المواطن اي كلمه يقولها
طبعا مو اي كلمه .. اقصد كلمه الحق او الكلمه اللي ما تعجب صاحب الشأن و السلطه البعثيه المشوؤومه
كان الواحد يخاف يبطل حلجه .. ينام و يقعد و ما يلقى راسه
و بعض حبايبنا بالكويت شغالين تهديد بخلق الله
يخلون الواحد يخاف ينام و يقعد و ما يلقى جنسيته او يمكن حتى اهو بكبره يلقى نفسه بقدره قادر باستراليا ..
الحين عرفتوا شنو وجه الشبه (بلا تشبيه طبعا) ؟؟
ما علينا الحين فرضا فرضا كل واحد قال كلام ما عجبكم سحبتو جنسيته ، من بيظل في الديره ؟؟
البنقاليه ؟؟
ترا محد بالديره عاجبه احد ..
و ولا شي عاجبه شي
مادري شنو كتبت باخر جملتين بس يالله فهموها
انا أ ُعيب (بالعين و ليس بالهاء) على بعض الاقلام البلوقرية الغير مهذبه (لاحظ اني مهذب عشان جذي تلطفت فيهم و استخدمت كلمة تهذيب بإضافه الغير امامها) اللي قاعده تسب و تلعن بغير حساب ..
يعني استحوا على دمكم شوي
الشعب سفير بلده وانتو شادين حيلكم داشين عالم التدوين الدولي ؟؟
على الاقل عكسو صوره حضاريه و حلوه عن اخلاق شعبنا
خلكم (راقين باخلاقكم) مو كل واحد ناقضكم وجهات النظر قمتو قطيتو كيماويكم عليه
ما صدقتوا جنه واحد قايلكم سمعو اللي تعلمتوه كله ؟؟
اليوم و انا اتجول في احدى الصحف الكويتيه (اتجول عشان اراقب الأوضاع و مثل ما تدرون اني وايد احب اراقب و من راقب الناس ماتت امه ) المهم لفت نظري خبر مادري من كاتبه و مادري اذا من صجه و الا يتغشمر بس هم راقبته و بعدت ما راقبته ضحكت و شر البليه ما يضحك
يعني سياستنا الرشيده و اللي من نوعها فريده ما تعرف تخطط بروحها ؟؟
هالشي مفروض حسابه محسوب من زمان
لازم الخباز يخبز و احنا ناكل خبزته ؟؟
اشفيه المنتج الكويتي ؟؟
محد مطيح سوقه غير اصحابه
الحين بوجه سوال بس لحبايبنا الحلوين اللي قاعدين يتهمون خلق الله بولائهم للبنان و ايران و فلسطين و البوسنه و الهرسك و جزر القمر .. الخ
احد يقدر يقولي اللي كتب هالمقاله ولائه لمنو ؟؟
نصيحتي لشعبي الحبيب بسكم نجره و بطلوا سوالف يهال الحضانه
و ماله داعي واحد ينهش الثاني
كل واحد بيشيل وزره
خلكم جسد واحد و لا تشمتون العذال فينا
و اللي قلبه على وطنه يفهم
وعماار يا كويت
الحين خلونا نجابل شوي
جريده و قناة العفن ال مو كويتية
اشماله اتربطون عصاعص ؟؟
بس اقولكم
(فحطووو فحطوو و تبقى الكويت )
و السلام عليكم و رحمة الله و بركاته
