السلام عليكم
ماراح اسألكم عن لونكم لأن المكتوب مبين من عنوانه
داش بقوه ؟؟
اييييي داش بقوه
فيك شر ؟؟
اووووووف
اللي يصبـّح في بلوقات بعض [المو ناس]
اشلون يقزر باقي يومه ؟؟
قلبي اليوم متروووووس حجي
بس حجي من العيار الثقيل
تعالوااا
قولوليي
شالبربسه اللي صايره بالمدونات ؟؟
علام البعض قايم و قاعد و ينابح ؟؟
ليش قمت ادش مدونات بعض المدونين و على بالي غلطان بالعنوان،
بدل لا ادخل مدونه احسب اني داخل حديقة حيوان ؟؟
علامكم ؟؟
شالهمجيه ؟
شهالدونية ؟
ما هذه المصخرة ؟؟
شنو فصختو الحيا مره وحده ؟؟
زين ما علينا
بما اني وكلت نفسي كمتحدث رسمي عن بعض الشرفاء المغلوط عليهم
قررت اني افتح حلجي على وسعه و اتكــلم :
اشسالفة هالزلم اللي كل يوم ناطلنا من صوب و يقعد يتكلم عن فلان و علان ؟؟
يباا لا ينط عرجك بس
مسوي نفسك سوبر مان
جاي تستقوي على عيال خلق الله ؟
انت شنو ؟؟
عبالك عايش بادغال و تحكمك شريعه الغاب ؟؟
من سمحلك تتكلم عن اعراض الناس ؟؟
لا يكون الاخ شريف مكه و انا ما ادري؟
ولك خاااف ربك !!
اتق الله في عبيده و إماءه
هاللي قاعد تقرض فيهم و مو عاجبينك
كلنا نتمنى يكونون لنا اخوه و خوات
و ترا سكوتهم عن سلاطة و بذاءه لسانك ما يأكــّد صحة و ظرافة كلامك
سكوتهم جه بمحله تدري ليش؟؟
لانهم ارفع منك مستوى ذوقياً و خلقياً
حرام ينجسون اناملهم بطارييك
هذا بكوووووووم و النواعق بكوووم ثاني
متعجب ثم متعجب ثم متعجب
من اللي يدخلون عنده و يعلقون
يعني حتى اللي كان متعلق برموش عيني
الحين طااح منها مووليه
قالووها
في مواقف تبين طينة الآدمي
و منو فيهم يستاهل يحصل شرف انك تناديه اخوي و خوييّ, و منو ما يستاهل حتى انك تناديه باسمه ,,
و هالبلوقرية -اللي مادري اذا فاهمين شي من اللي اهو كتبه او لا -
كان الامتحان اللي انحطوا فيه كفيييييل باسقاطهم و اسقاط هذا الشرف عنهم .
و بهالمناسبه المــُرّة
ابي اوجه لهم سوال,,
اللي بيقرا تولولكم على سخافه و نجاسه كلماته و انحطاط اسلوبه
اشبيقول عنكم ؟؟
(عفااااااااارم علييهم ) ؟؟
والا بيرفعون فيكم للسما ؟؟
ما عندكم غاريه على عيال الناس ؟؟
ما عندكم شوية دم طاهر يخليكم تستحون على ويوهكم و تبطلون تضحك و استلذاذ برمي المؤمنين و المؤمنات ؟؟
ما عندكم خوات ؟؟
زين بنات ؟؟
ولا يهمكم بنات خال خاله ؟؟
عم عمه ؟؟
مقطوعيين من شجره ؟؟
يا عييييييييييييب الشوم عليكم والله
بعتوووو آخرتكم قبل دنياكم
9 comments:
وان ينصركم الله فلا غالب لكم
هذا اكثر شي اقدر اقوله
ولو يعرفون شسووا
لو كانوا قروا القرآن زين وسمعوا عن رمي المحصنات
ما انقال اللي انقال
حسبي الله وهو الكافي
المدونات صارت تلم ياخوي
وما صارت للحوار العاقل والمنطقي صارت للسب والتف بالناس واعراضهم
صارت لرجم الآخر لمجرد انه اختلف معاك بالراي او المبدأ او حتى الإيمانيات
الدين لله
وربك راح يحاسب كل من على دينه
ومحد بيشيل وزر الثاني
يوم لا ينفع مال ولا بنون الا من اتى الله بقلب سليم
كل الله اقوله ربك سامع وعالم
وحوبة الناس اللي انرجمت ما راح تتعداهم
وكل امرك لله
والله كفيل بالظالم
تصدق عاد
من امس انا داش بلوقك
مترقب شي
نفس الكلام اللي كان ودي اقوله
ذب الله عن عرضك
ummmm
منو هذا اللي باط جبدك؟؟؟
الزين
ودي اجابلهم يوم القيامه بشووف اشبيسوون
الله يرزقنا حسن الخاتمه
================
ماكس
دايما عالخط
يا ذبذباتك اثرت على ذبذباتي
يا العكس صحيح
=================
انور
انا بلونه اخضر و بشووفهم اشلون يتكلمون
=================
واي مي
واحد راح يدخل مزبله التاريخ من اوسع بواليعها
ما انصحج تبحثين عنه لا تخنقج الريحه
شسالفه؟
نبي نعرف شسالفة
ترى ضعنا
سنعة
و
فريج سعود
السالفه و ما فيها ان في مخلوق غريب منحاش من حديقه الحيوان و قارف خلق الله
شكلي بعلن عن مكافأه رمزيه للي يصيد هالمخلوق و يجيبلي اياه
Okay a7sant
you talked ow barat chabdek inshallah
bas al7een sheno??
what are you going to do to fix this problem
ma yakfee ntkalam bas...lazem ykoon fi fe3l ba3d :)
ow jezak allah khair
غشيمه
الحل "نقاطع منتجاتهم"
لوووووووووووووووول
Post a Comment